-
مولتن لافا كيك
مره لذييذه وسهلللله
بحط لكم المقادير الاصليه في اقتباس لأني دبلت المقادير والله اعلم ماما رمت الورقه
إقتباس »مقاديري حسب ما اذكر٥٠ غرام زبدة = (نصف اصبع)
٥٠ غرام شوكولاته غامقة نسبة الكاكاو ماتتعدى ٧٠٪ (مُهم نستخدم شكولاته جودتها عالية مثل:Lindt)
كمية السكر مُتناسبة مع نسبة الكاكاو ٧٠٪ يعني لو ٨٠٪ بتكون نسبة حلاوة الفوندان أقل وبتميل للمرارة.
٥٠ غرام سكر =( ربع كوب، استخدمت سكر مطحون المخصص للحلويات )
١ بيضة كبيرة
٥٠ غرام طحين =( ربع كوب، الطحين العادي اللي نستخدمه لكل شيء)
١\٤ ملعقة صغيرة باكنج باودر
رشة ملح
ملاحظة: يُفضل تستخدم الميزان عشان القياس يكون دقيق ( إذا ماعندك ميزان استخدم أكواب القياس
يعني ماينفع تستخدم كوب عادي وتقدر بدون دقة)، هالنوع من الحلويات تحتاج دقة بالمقادير والتركيز
على درجة حرارة الفرن.
100 جرام زبده -اصباع-
100 جرام تشوكلت 70 %
نص كوب سكر بودره
بيضتين
نص كوب طحين
نص ملعقه صغيره بيكينق باودر
رشة ملح
طلع معاي 4 قوالب
نجيب زبديه ونحط فيها التشوكلت مع الزبده مع السكر ونذوبهم بالمايكروويف
30 ثانيه ونحرك 30 ثانيه ونحرك الين يذوبون تماماَ
نترك التشوكلت الين تصير دافيه مو حاره عشان البيض لا يتكتل بعدين نضيف البيض وحده ونحركها زين الى ان تمتزج ونضيف الثانيه ونحرك زين الى ان تمتزج تماماَ
بزبدية ثانيه نحط المقادير الجافه " الطحين + الملح + البيكينق باودر" ونحركهم زيين
بعدين نضيفهم لخليط التشوكلت نحركها
نجيب القوالب وندهنهم بزبده بحرارة الغرفه
ونحطي عليهم كاكاو
ونعبي القوالب بالتساوي
نغلفهم وندخلهم الثلاجه لمدة نص ساعه
بذا الوقت نشغل الفرن يسخن على حرارة 170 من تحت بس
ندخلها بالرف الوسط ونتركها لمدة 12 الى 14 دقيقه
بعد 12 دقيقه افتحي الفرن وشوفي اذا الاطراف نشفت والنص لسه مانشف هنا تكون خلاص استوت
نطلعها من القوالب بتطلع معاك على طول اذا ماطلعت مرري سكينه ع الاطراف
قدميها حاره مع ايس كريم فانيلا وسكر بودره
ليست هناك تعليقات:
إرسال تعليق