السبت، 1 نوفمبر 2014

مولتن كيك







مولتن كيك
المقادير:
كوب تشوكلت تشبس (حبيبات الشوكولاته من هرشي)
نص كوب زبده (اصباع كامل اللي مية جرام + ملعقة طعام زبده)
نص كوب طحين عادي
ربع ملعقة حلى نسكافيه
ربع ملعقة حلى ملح
نص ملعقة حلى فانيلا
اربع بيضات كاملات 
صفار بيضتين
ثلث كوب سكر ( لو تحبونها حاليه اكثر خلو الكميه ثلثين كوب)
الطريقه:
- اول شي نسخن الفرن على درجة ٢٢٠ c 
- نبخ القوالب اللي عندنا ببخاخ الزيت او نمسحها بزيت او زبده ونخليهم على جنب
- نذوب الزبده والشوكولاته ع النار او المايكروويف ونحركهم زين حتى يتجانسون ونتركهم على جنب
- بزبديه صغيره نحرك بشوكه الطحين + النسكافيه + الملح ونخليهم على جنب 
- نخفق بالخفاقه الكهربائيه البيض وصفار البيض مع السكر والفانيلا حتى يتجانسون بعدين نضيف لهم خليط الشوكولاته والطحين ونخفق حتى يتجانسون مانكثر خفق 
- نوزعها بين القوالب بالتساوي (طلع معاي ٧ حبات نفس ذا الحجم) 
- ندخلها الفرن لمدة ١٢/١٣ دقيقه مو اكثر 
- لمن نطلعها راح تكون لسى لينه وتتحرك نتركها ع الكاونتر عشر دقايق بعد كذا نمرر على اكراف القوالب بسكينه ونقلبها بالصحن 
- تقدم دافيه مع ايس كريم ولو حابين فراوله او توت

الثلاثاء، 28 أكتوبر 2014

نابلسيه





النابلسيه 
الطبقه الاولى: بسكوت دايجستيف + زبده 
الطبقه الثانيه: بالخلاط كوب ونص فستق مطحون مع نص علبة نستله وعلبة قشطه نوزعهم بالتساوي ع القوالب وندخلها فرن مسخن من قبل من فوق بس على 180 ونتركها الين تجمد الطبقه
نطلعها ونخليها تدفى شوي 
الطبقه الثالثه: 6 جالكسي ساده مذوب نوزعهم وندخلها الثلاجه لوقت التقديم

الخميس، 28 أغسطس 2014

كيكة الشوكولاته



كيكه سهله وجدا لذيذه 

اول شي نخبز اي كيكه حابينها 
ثاني شي نسوي كريمة خفق
ثالث شي لوح شوكولاته نكتب عليه اللي نبي
رابع شي قاناش الشوكولاته




انا عشان ابي كيكتي تكون متساويه من فوق مابيها تكون منفوخه استخدمت ذا الحزام من ولتون (يمنع النفخه اللي تجي بالنص)
نحطه بمويه بارده وبالفريزر نص ساعه بعد كذا نربطه حوالين القالب وندهن القالب بزيت وطحين ونحط ورق زبده




انا استخدمت بيتي كروكر شوكولاته بالحليب سويتها زي  مو مكتوب بالكرتون بس اضفت نص كوب طحين (مقاس القوالب 8 انش)
شايفين كيف من فوق ماصارت منفوخه مررره 
نتركها تدفى





بعد مادفت الكيكه طلعتها من القالب وغلفتها ببلاستيك وتركتها ع الكاونتر كم ساعه وبعدها دخلتها الثلاجه لليوم الثاني





بعد كذا سويت كريمة الخفق (الكميه زي ماتبي انا استخدمت كوب وثلثين)
خفقتها واول مابدأت تكثف اضفت لها سكر بودره الكميه على حسب كيف تحبون حلاوتها (انا حطيت 3 ملاعق ملياانه)
وكملت خفق الين صار قوامها زي كذا 
استخدمو كريمة خفق فيكتوريا او برزيدنت ممتازين شوفو كيف قوامها
انا هنا مستخدمه بريزدنت





بعد كذا نذوب الشوكولاته عشان نسوي اللوح اللي نكتب عليه
(لمن نذوبها بذي الطريقه وتتماسك بعدين نستخدمها ماراح تذوب وتطفشك , بس لمن نذوبها عادي كل الكميه مره وحده ماراح تتماسك الا لو دخلتيها الثلاجه ولمن تطلعينها من الثلاجه تجلس شوي ثم تذوب)
1- نجيب نصف كمية الشوكولاته وذوبها بالمايكروويف
2- نضيف النصف الثاني ونذوبه بحرارة الشوكولاته
3- عشان شوكولاتتي كانت بالثلاجه ماذابت كويس
4- دخلتها بالمايكروويف 10 ثواني بس وحركتها الين ذابت تماااما




نجيب ورق زبده ونحط الشوكولاته ونوزعها بذا الشكل ونتركها ع الكاونتر ساعه كذا





بعد ماتتماسك شوي نبدأ بالسكين نقص مستطيل او الشكل اللي نبي
ونتركها ع الكاونتر الى بكره




نسخن ربع كوب كريمة خفق 
بعدين نضيف له شوكولاته كادبوري 100 جرام (نكون مكسرينها) ونتركها خمس دقايق كذا بعدين نحركها
بالبدايه بتحسون انها ماراح تتجانس بس كملو خفق وبتزبط




نطلع الكيكه ونقص كل وحده نصفين
استخدمو سكينه عادي او زي ذي الاداه (جايبتها من محل فنون الكيك - جده)




نجهز اشياء الزينه استخدمو اللي تحبو
1- انا استخدمت رازبيري / توت احمر - بلوبيري / كرز ازرق - كرز - قاناش الشوكولاته  - الكريمة
2- نحط الطبقه الاولى (نختار اللي فيها نفخه شوي واقلبوها) ونحط عليها شوي حليب سايل
3- نحط كريمه
4- نحط باقي الطبقات ونكرر نفس الخطوات




نحط الطبقه الثانيه المنفوخه ونحط عليها القاناش
ونبدأ نزينها ونقدمها 


////////////



هذا السكر البودره اللي استخدمه وفيه انواع كثير غيره وتلقونها بأي سوبرماركت
الكريمة موجوده ببنده والدانوب 
هذي الشوكولاته كادبوري اللي استخدمتها مره لذيذه

//////////////////






الجمعة، 2 مايو 2014

ماكرون | French macarons



اول شي الماكرون لازم تشوفونه وتقرون عنه كثيييير
انا قريت عنه كثيير وشوفت فيديوات كثييير لين صار عندي خلفيه كويسه عنه
كمان انا ما صورت الخطوات ماجا ببالي ففيه اشياء ماراح تكون واضحه بالكلام الا لو كان عندكم خلفيه عن الماكرون
المهم هذي المقادير:

كوب لوز مطحون = 120 جرام
كوبين سكر بودره = 336 جرام
ربع ملعقة شاي كريم تارتر " تقدرو تستغنو عنه "
4 بياض بيضات صغار بحرارة الغرفه = 117 جرام (الوصفه الاساسيه قالت بياض ثلاث بيضات كبار بس ما كان عندي الا صغار ف استخدمت 4)
ربع كوب سكر ابيض العادي


نصائح:
- اللوز اطحنيه برا وخلي الرجال يطحنه كويييييس
- لازم بياض البيض يكون بحرارة الغرفه بيضاتي كانو مبردين ف حطيتهم بمويا حاره مو مغليه تقريبا 10 دقايق
- لازم ننخل كويسسس
- لمن نضيف اللون نخليه اغمق من اللون المطلوب لانه مع الخَبز راح يفتح لونه شوي
الطريقة:
اول شي نجيب زبديه ونخلط فيها السكر البودره مع اللوز
بعدين ننخلهم في زبديه ثانيه ونتركهم على جنب

ثاني شي نسوي الميرانق :
بالخفاقه الكهربائيه نخقق بياض البيض اول مايبدأ يكون رغوه بسيطه نضيف التارتر ونكمل خفق على سرعه عاليه الى ان تتكون قمم ثلجيه خفيفه بعدين نبدأ نضيف السكر العادي على ثلاث دفع ونخفق على سرعه عاليه الين يصير عندنا قوام غليييظ ومتمااااسك بعدها نضيف اللون اللي حابينه ويفضل الجل

ثالث شي:
نضيف المقاديره الجافه "السكر+اللوز" على الميرانق "بياض البيض" على دفعتين ونعمل فولد مو خلط بسباتشيولا
المره الاولى تقريبا 10 مرات بعدن نضيف الددفعه الثانيه ونكمل فولد 30 الى 35 زياده بعدين ننقلها لقمع التزيين ويكون رأس القمع على شكل دائره ونبدأ نوزعها على ورق الزبده

- بعد ما نوزعها لاااازم نضرب صينية الخَبز على الطاوله ثلاث مرات من كل جهه
- ونتركها على جنب لمدة 25 دقيقه الين تجف ولو مسكتها بيدك ماراح تلصق

- نسخن الفرن على حرارة 150C ندخل الكوكيزات تقريباً لمدة 12 دقيقه
- نخرجها ونخليها على جنب حتى تاخذ حرارة الغرفه بعدها نبدأ نحشيها بالحشوه اللي انتم حابينها
انا استخدمت كريمة خفق تقدرو تستخدمو قاناش او بتركريم اي شي

الجمعة، 4 أبريل 2014

cake







1- اول شي نسويه نخبز الكيكه اللي حابين
انا استخدمت بيتي كروكر فانيلا واضفت عليه كوب طحين
نستناها تبرد بعدين نبدأ نشتغل عليها 
2و 3 - نقص الدائره المنفوخه اللي فوق بسكينه او زي اللي بالصوره
4- بعد كذا نقصها بالنص وناخذ الطبقه اللي فوق ونقلبها على الصحن اللي راح نشتغل عليه



بعد كذا الكريمة 
انا سويت كريمتين وخلطتهم سوا

الاولى:
نخفق نص اصباع زبده بحرارة الغرفه مع ملعقة صغيرة فانيلا سايله 
بعد كذا ننخل عليها كوب ونص سكر بودره على 3 دفعات 
اخر شي ملعقة طعام حليب سائل 
ونخفقها كم دقيقه الين يفتح لوونها وتميل للبياض


الثانيه:
كوبين كريمة خفق "استخدمو فيكتوريا هي افضضضل شي"
نخفقها ولمن تبدأ تثقل نوقف وننخل عليها نص كوب سكر بودره وونرجع نكمل خفق حتى تثقل وتصير غليييظه
بعدين نحط اللون اللي نبي انا حطين شووي من اللون الاحمر الجل من منتجات wilton

بعد كذا نجيب الكريمتين ونخفقهم مع بعض 




نجيب الكريمة ونحط طبقة بعدين نجيب الكيكه الثانيه ونقلبها عشان تعطينها سطح متساوي




الصوره واضحه مايحتاج اشرح صح؟  :d



طبعا طبقة الكريمة تكون خفيفه مايحتاج نكثر 
بعد كذا ننقلها لصحن التقديم لاننا لو نسوي الوردات بعدين ننقلها لصحن التقديم راح يخرب شكلها



بعد كذا نجيب كيس التزيين ونعبيه 
هذي اسهل طريقة للتعبيه 
استخدمو راس نجمة انا اللي عندي من تافولا wilton 1M




نسوي نجمات بالشكل هذا 
وهذا فيديو يوضح لكم 



الفراغات الفاضيه نحط فيها نجمات صغاار 


اخر شي اضفت ورده صغييييره بالفوندات
ووسويت دائره وكتبت عليها بقلم ينأكل 

chocolate chip cookies in skillet





Chocolate chip cookies الكوكيزالكوكيزالكوكيز
اول شي نسخن الفرن على ١٨٠ 
١١٠ جرام زبده (اصباع+ملعقة شاي تقريبا) بحرارة الغرفه المفروض اذوبها لين تصير سايله بس انا بعد ماصارت بحرارة الغرفه ذوبتها شوي بالمايكروويف ١٥ ثانيه
بعدين اضفت عليها كوب سكر بني وحركتهم بسباتشيولا او ملعقة خشب بعدها اضفت بيضه وملعقة شاي فانيلا وحركتهم وبعدين اضفت كوب ونص طحين عادي + ملعقتين شاي نشا ذره + ثلاث ارباع ملعقة شاي بيكنق صودا حركيهم واخر شي اضفت كوب حبيبات هرشي تشوكلت وحركتهم ووزعتهم على مقلاتين صغار مقاس ٦ انش واضفت زياده تشوكلت من فوق ودخلتهم الفرن لمدة 15 دقيقه تقريبا عموما لمن تبدأ تشقر من الاطراف طلعيها راح تكون شوي طريه خليها من ربع الى نص ساعه تقريبا بعدين قدميها 
مقاس اللي استخدمتها تقريبا ٦ انش طلع معاي حبتين ووحده صغييره قلب أسود عريض

سوفليه



الوصفه هذي تشبه للمولتن اكثر شي بس ماتقدري تقلبيها بصحن تقدميها بنفس القالب وجه مبتسم بعيون مبتسمة
جددددددداً لذييييذه وسهلللله وجه مبتسم بعيون على شكل قلوبوجه مبتسم بعيون على شكل قلوبوجه مبتسم بعيون على شكل قلوبقلب أسود عريضقلب أسود عريضقلب أسود عريض
اول شي بقدر ع النار حطي نص اصباع زبدة الين تذوب بعدين وطي النار وحطي ملعقتين ثلاث اكل طحين وحركيهم الين مايتكون عندنا معجون بعدها حطي فنجان او اثنين سكر وحركيه لين يتفتت وارفعيها عن النار
جيبي زبدية ثانيه وحطي فيها كوب ونص حليب بودره وكوب ونص نسكويك بالشوكولاته بعدين كوب ونص مويه وحركيهم زييين رجعي القدر ع النار وصبي عليه نص خليط الشوكولاته وحركيهم لين يمتزجون تماام بعدين اضيفي باقي خليط الشوكولاته وحركي زين ارفعيهم عن النار وجيبي زبدية ثانية وحطي ٣ بيضات وفانيلا وملعقة كبيرة بايكينق باودر واخفقيهم زين بين يفتح لونهم ويصير شكلها شوي رغوي بعدين نرجع القدر بالنار ونصب عليه البيض ونحركه كويس لمدة دقيقه وحده
لازم ننتبه ان الخليط مايغلي نهااائي بس يسخن 
نجيب قوالب ونعبيها تقريبا ٨٠ ٪ 
نشغل الفرن من فوق على حرارة ١٨٠  لمدة خمس دقايق بعدين ندخل القوالب ونحطها بانزل رف بالفرن ونتركها لمدة ١٠ الى ١٥ دقيقه لمن تجمد الطبقه اللي فوق معناتها خلاص استوى 
نقدمها مع ايس كريم وجه مبتسم بعيون على شكل قلوبوجه مبتسم بعيون على شكل قلوب



من جوا وجه مبتسم بعيون على شكل قلوبوجه مبتسم بعيون على شكل قلوبوجه مبتسم بعيون على شكل قلوبوجه مبتسم بعيون على شكل قلوبوجه مبتسم بعيون على شكل قلوب