اول شي الماكرون لازم تشوفونه وتقرون عنه كثيييير
انا قريت عنه كثيير وشوفت فيديوات كثييير لين صار عندي خلفيه كويسه عنه
كمان انا ما صورت الخطوات ماجا ببالي ففيه اشياء ماراح تكون واضحه بالكلام الا لو كان عندكم خلفيه عن الماكرون
المهم هذي المقادير:
كوب لوز مطحون = 120 جرام
كوبين سكر بودره = 336 جرام
ربع ملعقة شاي كريم تارتر " تقدرو تستغنو عنه "
4 بياض بيضات صغار بحرارة الغرفه = 117 جرام (الوصفه الاساسيه قالت بياض ثلاث بيضات كبار بس ما كان عندي الا صغار ف استخدمت 4)
ربع كوب سكر ابيض العادي
نصائح:
- اللوز اطحنيه برا وخلي الرجال يطحنه كويييييس
- لازم بياض البيض يكون بحرارة الغرفه بيضاتي كانو مبردين ف حطيتهم بمويا حاره مو مغليه تقريبا 10 دقايق
- لازم ننخل كويسسس
- لمن نضيف اللون نخليه اغمق من اللون المطلوب لانه مع الخَبز راح يفتح لونه شوي
الطريقة:
اول شي نجيب زبديه ونخلط فيها السكر البودره مع اللوز
بعدين ننخلهم في زبديه ثانيه ونتركهم على جنب
ثاني شي نسوي الميرانق :
بالخفاقه الكهربائيه نخقق بياض البيض اول مايبدأ يكون رغوه بسيطه نضيف التارتر ونكمل خفق على سرعه عاليه الى ان تتكون قمم ثلجيه خفيفه بعدين نبدأ نضيف السكر العادي على ثلاث دفع ونخفق على سرعه عاليه الين يصير عندنا قوام غليييظ ومتمااااسك بعدها نضيف اللون اللي حابينه ويفضل الجل
ثالث شي:
نضيف المقاديره الجافه "السكر+اللوز" على الميرانق "بياض البيض" على دفعتين ونعمل فولد مو خلط بسباتشيولا
المره الاولى تقريبا 10 مرات بعدن نضيف الددفعه الثانيه ونكمل فولد 30 الى 35 زياده بعدين ننقلها لقمع التزيين ويكون رأس القمع على شكل دائره ونبدأ نوزعها على ورق الزبده
- بعد ما نوزعها لاااازم نضرب صينية الخَبز على الطاوله ثلاث مرات من كل جهه
- ونتركها على جنب لمدة 25 دقيقه الين تجف ولو مسكتها بيدك ماراح تلصق
- نسخن الفرن على حرارة 150C ندخل الكوكيزات تقريباً لمدة 12 دقيقه
- نخرجها ونخليها على جنب حتى تاخذ حرارة الغرفه بعدها نبدأ نحشيها بالحشوه اللي انتم حابينها
انا استخدمت كريمة خفق تقدرو تستخدمو قاناش او بتركريم اي شي
ليست هناك تعليقات:
إرسال تعليق