red velvet cake with cream cheese frosting
المقادير:
خليط كيك بيتي كروكر ابيض مو آصفر
ثلاثه بياض بيض
كوب وربع تقريبا مويه
ثلث كوب زيت
ملعقتين طعام شوكولاته بودره
ثلاث ارباع ملعقة طعام لون طعام احمر جل
الطريقه:
نحط المويه والبيض والزيت بالخلاط
وننخل عليها الخليط الابيض والشوكولاته
ونحركها بعدين نضيف الملون ونحركه
ندخلها فرن مسبق التشغيل ولمن ندخل عود ويطلع نظيف تكون استوت
نتركها لين تصير بحرارة الغرفه وونبدأ نشتغل عليها
** آنآ سويتها الفجر وبعد ماصارت حرارتها بحرارة الغرفه دخلتها الثلاجه واشتغلت عليها العصر **
الحين طريقة الورده بالفوندانت "عجينة السكر"
عجينة فوندانت "جبتهآ من ملتقى الخبازين-تقدرين تسوينها بالبيت اذا ماعندك"
قطاعه على شكل ورق الورد " استخدمت اللي ع اليسار"
الشي الاحمر اللي ع اليمين " مدري ايش آسمه :d - جبته من هوم سنتر + تلاقونه بمحلات الكيك"
ي الفلينه اللي لونها ازرق "رآح نشكل ورقات الورد عليهآ-جبتها من ملتقى الخبازين"
وطبعا فراده :d
ناخذ قطعه صغيره عجينه ونلونها
نثبت ورق زبده ع الطاوله ونرش عليه نشا ذره ونفردها ونخليها رقيقه شوي
نآخذ قطعه من العجين ونسوي نفس ه الشكل "حبه وحده تكفي "
ونحطهم شوي بالفريزر يجمدون
شفتو الاداه هذي نمشيها على اطراف العجينه عشان ترقهآ
ومن النص من فوق لتحت :/ آن شآء الله فهمتو :/
"المفروض اني قصيت الزوايا اللي فوق لانو شكلها غبي بس نسيت ما اقص اول ثلاث حبات
*** غطو اللي ماتستخدموه عشان ماتجف وتتقطع عليكم
نلصقها نفس الصوره بمويه
اول شي نحط ثلاثه
بعدين نحط خمسه
بعدين سبعه
لمن نوصل لأخر دور نقصها من تحت عشان تجي مرتبه
تركتها تجف على بال ما اسوي الفروستينق
ولفيتها بمنديل "سويته زي الخاتم ع الورده عشان ماتطيح الاوراق
* لمن حطيتها بالاخير ع الكيكه قصيتها من تحت بمقص
cream cheese frosting
كريم تشيز فروستينق
- 60 جم زبده
- 60 جم جبن فيلادلفيا
- 3 ونص كوب سكر بودره
- ملعقة طعام حليب سائل
** آذآ ماعندك ميزان ف جيبي اصباع زبده واحد وخذي نصه
وجيبي فيلادلفيا 200 جرام وخذي ربع العلبه
وحطي عليهم 3 اكواب سكر وحليب حسب القوام اللي تبين **
اول شي نخفق الزبده مع الجبن الي يمتزجو ويفتح لونهم
1- نضيف السكر بعد ماننخله على دفعات كوب كوب
2- بعد الخفق راح يلصق السكر بالاطراف
3- ناخذ ملعقة سيليكون "سباتشيولا" ونشيل كل اللي بالاطراف ونكمل خفق
4- بعد ما اضفت كل السكر + ملعقة حليب سائل
قوآم الكريمه اللذييذه ♥♥♥
* لآزم آلكيكه تكون بحرارة الغرفه او تكون بارده قبل نشتغل عليها لانو لو كان فيها اي حراره راح تذوب معانا الكريمه
- اول شي نقص الجزء المنفوخ من الكيكه عشان تصير متساويه
- بعدين نرجع نقص الكيكه بالنص
تقدرون تستخدمون سكينه مو شرط نفس اللي معاي
نحط كريمه عليها بالنص ونمشيها بالسباتشيولا *بحط صورتها تحت*
نحط الطبقه الثانيه وبرضو نغطيها بكريمة من فوق
* تكون الطبقه خفيفه
نغطي الكيكه بالكااامل طبقه خفيفه "crumb coat" عشان الكتل الصغيره
وندخلها الثلاجه شوي ربع ساعه الى نص ساعه
نطلعها ونغطيها بالكريمه مره ثانيه بس هالمره نكثر
وندخلها بالثلاجه لوقت التقديم
-
وبالعاافية ♥♥♥
