♥♥ Triple chocolate cookies
المقادير:
اصباعين زبدة لينه
كوب سكر ابيض
ثلثين كوب كاكاو
كوبين وربع طحين ذاتي التخمير "self raising flour"
بيضه وحده
3 ملاعق طعام حليب سائل
ثلاث ارباع قالب تشوكليت ابيض "اللي 100جم"+ 3 جآلكسي ساده
^ نكون مجمدينها او مبردينها عشان لمن نقطعها ما تحوسنا
كوب تشوكليت تشبس
نحط الزبده مع السكر ونحركهم لين يصير قوامها كريمي
نضيف البيضه ونحرك
نضيف الدقيق والكاكاو ونحركهم بالسباتشيولا عشان لا يتناثرون بوجهكم :d
ونكمل تحريك بالخفاقه الكهربائيه "الصوره1"
نضيف 3 ملاعق طعام حليب ونكمل تحرك "الصوره2"
لازم يكون قوامها قابل للعجن والتشكيل باليد
نضيف الثلاث النواع التشوكلت
نضيف نوع ونحرك ونضيف الثاني ونحرك وهكذا
نكورهم ونحطهم على ورق زبده
"شوفو حجمها بالنسبه لمقاس ربع كوب"
ندخلها الفرن
* لآن حجمها كبير آخذت تقريبا 20 دقيقه بآلآضافه الى ان الفرن اللي استخدمته حرارته خفيفه شوي
الدفعه الثانيه سويتها اصغر شوي وضغطتها شي بسط بيدي ورفعت النار ف اخذت 10 دقايق بس
بعد مانطلعها راح تكون لييينه حتى مايمديك تشيلينها تتفتت
نتركها نص ساعه وراح يصير قوامها ممتاز
ونقدر نشيلها من الورق ونقدمها
هذي صورة الطحين اللي استخدمته
والتشوكليت الابيض
ليست هناك تعليقات:
إرسال تعليق